குத்பா சிறுபள்ளி

    
   சிறு பள்ளி சுமார் 755 வருடங்களுக்கு முன் சிறிய பள்ளியாக கட்டப்பட்டது என்றும், 375 வருடங்களுக்குமுன் ஆட்சியிலிருந்த நெய்னார் ஒருவர் இப் பள்ளியை பெரிதாக மாற்றி அமைத்தார் என்றும் அறிகிறோம். இப்பள்ளியின் தென் பகுதியில் 7 நாதாக்களின் கப்று ஷரீஃபுகள் உள்ளது.
      இப் பள்ளிக்கருகே மகான் பேர்மஹ்மூது மஜ்தூபு ஒலி ரலியல்லாஹு அன்ஹு அவர்கள் தர்கா ஷரீஃபு உள்ளது.

1.   பிரதிவாரம் வெள்ளிக்கிழமை காலை ஸலவாத்து மஜ்லிஸ் நடைபெறுகிறது..
2. ஜமாஅத்துல் ஆகிர் மாதம் நாகூர் நாயகம் ரலியல்லாஹுஅன்ஹு அவர்கள் பேரில் சுபுஹான மௌலிது ஷரிஃபு ஓதுதல்.

3. ரபீயுல் அவ்வல் பிறை 1 முதல் 12 வரை ஸல்லல்லாஹு அலைஹு வஸல்லம் அவர்கள் பேரில் சுபுஹான மௌலிது ஷரிஃபு ஓதுதல்.

4. ரபீயுல் ஆகிர் பிறை 1 முதல் 11 வரை கௌதுல் அஃலம் முஹ்யித்தீன் ஆண்டகை ரலியல்லாஹுஅன்ஹு அவர்கள் பேரில் மௌலிது ஷரிஃப் ஓதுதல்.

5. முஹர்ரம் மாதம் இமாம் ஹஸன், இமாம் ஹுஸைன் ரலியல்லாஹு அன்ஹுமா ஆகியோர்கள் பெயரில் மௌலிது ஷரிஃப் ஓதுதல்.

6. ரஜப் மாதம் ஹழரத் காஜா முயீனுத்தீன் ஜிஸ்தி ரலியல்லாஹு அன்ஹு அவர்கள் பேரில் மௌலிது ஷரீஃப் ஓதுதல்.
7. ஷஃபான் பிறை 15 அன்று 3 யாஸீன் ஓதி தமாம் செய்து துஆ ஓதுதல்.

8. ரபீயுல் அவ்வல் பிறை 1 முதல் 14 வரை ஹழரத் மகான் பேர்மஹ்மூது மஜ்தூபு ஒலி ரலியல்லாஹு அன்ஹு அவர்கள்கந்தூரி வைபவம் – காலை கத்முல் குர்ஆன் ஓதுதல் இரவு  மார்க்கப்பேருரை , பிறை 14 அன்று காலை நேர்ச்சை சோறு விநியோகம்.

9. ரமலான் மாதம் பிறை 1 முதல் 30 வரை இரவு முழுக் குர்ஆன்ஓதி தராவீஹ் தொழ வைத்து பிறை 29 அன்று தமாம் செய்தல்.  பிறை 29 அன்று தமாம் செய்து, நோன்பு வைக்க பிறை 29 அன்று முஹல்லா வாசிகளுக்கு சாப்பாடு ஏற்பாடு செய்தல். ரமலான் மாதம் முழுவதும் நோன்பாளிகள் நோன்பு திறக்க கஞ்சி ஏற்பாடு செய்தல்.பிறை 29 அன்று தஸ்பீஹ் தொழுகை  .ரமலான் பிறை 1 முதல் 30 வரை மாலை பொதுமக்களுக்கு நோன்பு கஞ்சி குடிக்கவும் ஏற்பாடு செய்யப்பட்டுள்ளது. பிறை1 முதல் 30 வரை வித்ரிய்யா ஷரீபு ஓதுதல்.

10. நோன்புப் பெருநாள், ஹஜ்பெருநாள் தொழுகை தொழவைத்து குத்பா பேருரை நிகழ்த்தப்பெறும்.  
 11.    நோன்புப் பெருநாள், ஹஜ்பெருநாள் -காதிரிய்யா திக்ரு செய்தல்.
     பொது மையவாடி உள்ளது.