திருச்செந்தூர் – காரைக்கால் புதிய PRTC பேருந்து சேவை தொடக்கம்!

பக்தர்களுக்கும் பயணிகளுக்கும் இனிய செய்தி! புதுச்சேரி அரசு பேருந்து போக்குவரத்து கழகம் (PRTC) தற்போது திருச்செந்தூரிலிருந்து காரைக்கால் வரை ECR வழியாக நேரடி பேருந்து சேவையை அறிமுகப்படுத்தியுள்ளது.

பாதை விவரம்

இந்தப் பேருந்து பயணிகளுக்கு பல முக்கிய ஊர்களை இணைத்து செல்லும் வகையில் இயக்கப்படுகிறது. பாதையில் வரும் ஊர்கள்:

• தூத்துக்குடி
• சாயல்குடி
• இராமநாதபுரம்
• தொண்டி
• பட்டுக்கோட்டை
• திருத்துறைப்பூண்டி
• வேளாங்கண்ணி
• நாகப்பட்டிணம்
• நாகூர்

காரைக்காலில் இருந்து சிதம்பரம், கடலூர், புதுச்சேரி, சென்னை போன்ற நகரங்களுக்கு எளிதில் செல்லலாம். அதேபோல் திருநள்ளாறு, திருக்கடையூர், மயிலாடுதுறை போன்ற பக்தி தலங்களுக்கு செல்லும் பயணிகளும் இப்பேருந்தைப் பயன்படுத்திக் கொள்ளலாம்.

புறப்படும் நேரங்கள் ⏰

• திருச்செந்தூரில் இருந்து: இரவு 7.40 மணிக்கு புறப்படும் → காலை 5.50 மணிக்கு காரைக்கால் சென்றடையும்
• காரைக்காலில் இருந்து: இரவு 9.00 மணிக்கு புறப்படும் → காலை 7.00 மணிக்கு திருச்செந்தூர் சென்றடையும்

இரவு நேர சேவையாக அறிமுகமான இப்பேருந்து, திருச்செந்தூர் முருகன் ஆலயம் மற்றும் திருநள்ளாறு சனீஸ்வரன் ஆலயம் தரிசனத்திற்கு வரும் பக்தர்களுக்கும், புதுச்சேரி – சென்னை நோக்கிச் செல்லும் பயணிகளுக்கும் பெரும் பலனளிக்கிறது.

இந்த புதிய சேவையால் கடற்கரைப் பகுதிகளுக்கிடையேயான போக்குவரத்து மேலும் எளிதாகியுள்ளது.